புதிய சாதனை படைத்த சிவகார்த்திகேயனின் அமரன்...!

சிவகார்த்திகேயனின் அமரன் திரைப்படம் புதிய சாதனை படைத்துள்ளது... ராஜ்குமார் பெரியசாமி இயக்கத்தில் சிவகார்த்திகேயன், சாய் பல்லவி நடிப்பில் வெளியான அமரன் மக்களிடையே பெரும் வரவேற்பைப் பெற்ற நிலையில், உலகளவில் 300 கோடி ரூபாய்க்கு மேல் வசூலித்துள்ளதாக கூறப்படுகிறது... இந்நிலையில், முன்னணி நடிகர்களின் சாதனைகளைப் பின்னுக்குத் தள்ளி அமரன் புது சாதனை படைத்துள்ளது. அதாவது, 'புக் மை ஷோ' செயலில் அமரன் படத்திற்கான டிக்கெட்டுகள் அதிக அளவில் விற்கப்பட்டுள்ளன. இதுவரை 45 லட்சத்து 50 ஆயிரம் டிக்கெட்டுகள் விற்பனை செய்யப்பட்டுள்ளதாக தகவல் வெளியாகியுள்ளது. அதே சமயம், விஜய்யின் 'தி கோட்' படத்திற்கு 45 லட்சம் டிக்கெட்டுகளும், ரஜினியின் வேட்டையன் திரைப்படத்திற்கு 27 லட்சம் டிக்கெட்டுகளும் விற்கப்பட்டுள்ளன. இதன் மூலம், அதிகமான டிக்கெட்டுகள் விற்கப்பட்ட படமாக 'அமரன்' புதிய சாதனையைப் படைத்துள்ளது குறிப்பிடத்தக்கது.