20 பேர் சென்ற வேன் விபத்து... கதறி அழுத பெண் - திருமணத்திற்கு சென்ற போது நேர்ந்த விபரீதம்

கிருஷ்ணகிரி மாவட்டம் ஊத்தங்கரை அருகே திருமண நிகழ்ச்சிக்கு சென்ற வேன் கவிழ்ந்த விபத்தில் 20 பேர் காயமடைந்து உள்ளனர். திப்பம்பட்டி கிராமத்தை சேர்ந்த 20க்கும் மேற்பட்டோர், உறவினரின் திருமணத்திற்காக சென்று கொண்டிருக்கும் போது டாரஸ் லாரி, வேனை முந்தி சென்றதாக கூறப்படுகிறது. அப்போது ஓட்டுனரின் கட்டுப்பாட்டை இழந்த வேன், சாலையோரமாக கவிழ்ந்து விபத்துக்குள்ளானது. இந்த விபத்தில் 20 பேர் காயம் அடைந்துள்ள நிலையில், வேனில் பயணம் செய்த சாந்தி என்ற பெண் தலை நசுங்கி சம்பவ இடத்திலேயே பரிதாபமாக உயிரிழந்தார்.