ஆற்றில் மூழ்கி இளைஞர்கள் பலி...குளிக்க சென்ற போது ஏற்பட்ட விபரீதம்...தர்மபுரியில் சோகம் | Dharmapuri

ஒகேனக்கல் அருகே, காவிரி ஆற்றில் குளித்த இளைஞர்கள் இருவர் நீரில் மூழ்கி பரிதாபமாக உயிரிழந்தனர்.

கிருஷ்ணகிரி மாவட்டம் போச்சம்பள்ளியைச் சேர்ந்த சபரீஷ் அவரது நண்பர்கள் 12 பேருடன் மாதேஸ்வரன் மலைக்கு சென்றுள்ளார். கோயிலில் சாமி தரிசனம் செய்த அவர்கள், ஒகேனக்கல் மாறுகொட்டாய்க்கு அருகே கர்நாடக எல்லையில் உள்ள சின்ன மணல்மேடு காவிரி ஆற்றில் குளித்துள்ளனர். அப்போது, எதிர்பாரதவிதமாக சபரீஷ் மற்றும் அவரது நண்பர் அஜித் ஆழமான பகுதியில் சிக்கி நீரில் அடித்துச்செல்லப்பட்டனர். தகவலின் பேரில் வந்த கர்நாடக போலீசார் மற்றும் வனத்துறையினர், இளைஞர்களை சடலமாக மீட்டு விசாரணை மேற்கொண்டுள்ளனர்.