இளைஞரை வெட்டிக் கொலை செய்த சம்பவம் - கொலையாளிகளுக்கு போலீசார் வலைவீச்சு

ராமநாதபுரத்தில் இளைஞர் ஒருவரை வெட்டிக் கொலை செய்த சம்பவம் குறித்து போலீசார் விசாரணை நடத்தி வருகின்றனர். ராமநாதபுரம் காட்டு பிள்ளையார் கோவில் தெருவை சேர்ந்தவர் பக்கா என்கிற பிரபுதேவா. இவர் அந்த பகுதியில் சிறு சிறு பிரச்சினைகளில் ஈடுபட்டு வந்ததாக தெரிகிறது.சம்பவத்தன்று இவர் தன் வீட்டில் தூங்கிக் கொண்டிருந்த போது அங்கு வந்த மர்மநபர்கள், அவரை தலையில் வெட்டி கொலை செய்தனர். பிரபுதேவா சடலமாக கிடப்பதை அறிந்த அவரின் தாய் உடனே போலீசில் புகார் அளித்த நிலையில் வழக்குப்பதிவு செய்த அவர்கள், கொலையாளிகளை தேடி வருகின்றனர்.