"பேருந்தில் இருந்தே PS1 பார்க்கலாம்" - சென்னையில் வலம் வரும் சோழர்கள்

பொன்னியின் செல்வன் படத்தை விளம்பரம் செய்யும் வகையில் சோழன் பேருந்து பயணம் தொடங்கப்பட்டுள்ளது.

பொன்னியின் செல்வன் பாகம் ஒன்று திரைப்படம், திரையரங்குகளில் வெளியாகி ர‌சிகர்களிடையே வரவேற்பை பெற்றுள்ளது.

இந்த படத்தை விளம்பரப்படுத்துவதற்காக, சோழன் பேருந்து வடிவமைக்கப்பட்டுள்ளது.

இந்த பேருந்தில், படத்தில் வரும் முக்கிய காட்சிகள் மற்றும் அதில் நடித்த நடிகர்களின் படங்கள், பேருந்து முழுவதும் போஸ்டராக ஒட்டப்பட்டுள்ளன.

சென்னை சத்தியம் திரையரங்கில் இருந்து, முன்னாள் நாடாளுமன்ற உறுப்பினர் வசந்த குமாரின் மகன் வினோத் வசந்த குமார் கொடியசைத்து சுற்றுப்பயணத்தை தொடங்கி வைத்தார்.

அடுத்த 7 நாட்களுக்கு சென்னையில் உள்ள முக்கிய பொழுதுபோக்கு இடங்களுக்கு சென்று, பொன்னியின் செல்வன் படத்தின் ட்ரைலர் மற்றும் பாடல்கள் ஒளிப்பரப்படும்.

ஒரே நேரத்தில் 20 பேர் அமர்ந்து காணும் வகையில், திரை வடிவமைக்கப்பட்டுள்ளது.