CSK அணியில் இடம்கேட்ட யோகி பாபு - எச்சரிக்கையோடு பதிலளித்த தோனி

சிஎஸ்கே அணியில் சேர விரும்புவதாக நடிகர் யோகி பாபு கூறியதும், அதற்கு தோனி கூறிய பதிலும் சமூக வலைதளங்களில் பரவி வருகிறது. தோனியின் மனைவி சாக்‌ஷி தயாரித்துள்ள எல்ஜிஎம் திரைப்படத்தின் இசை வெளியீட்டு விழாவில் பேசிய யோகி பாபு, தோனியை பார்த்து சிஎஸ்கே அணியில் சேர விரும்புவதாக கலகலப்பாக பேசினார். அதற்கு பதிலளித்த தோனி, அம்பாத்தி ராயுடு ஓய்வு பெற்றுவிட்டதால், அந்த இடம் காலியாக இருக்கிறது என்றும், அணி நிர்வாகத்திடம் பேசுவதாகவும் கூறினார். ஆனால், அதற்கு முன்பாக எல்ஜிஎம் படத்திற்கு கால்சீட் கொடுக்குமாறு யோகி பாபுவிடம் கேட்ட தோனி, காயம் ஏற்படுத்தும் அளவுக்கு வேகமாக பந்து வீசுவார்கள் என்பதை மறந்துவிடாதீர்கள் என்று கலகலப்பாக பதிலளித்தார்.