கர்ப்பமாக இருந்ததை அறியாமல் பயணம் செய்த பெண் - நடுவானில் நடந்த அதிசயம் | Baby

தான் கர்ப்பமாக இருப்பதையே அறியாமல் பெண் ஒருவர் நடுவானில் விமானத்தில் அழகான பெண் தேவதையைப் பெற்றெடுத்த சம்பவம் ஆச்சரியத்தை ஏற்படுத்தியுள்ளது...

ஈகுவடாரில் இருந்து நெதர்லாந்துக்கு பயணிகள் விமானம் ஒன்று பயணித்துக் கொண்டிருந்தது. அப்போது விமானத்தில் இருந்த தமாரா என்ற பெண்ணுக்கு திடீரென்று கடுமையான வயிற்று வலி ஏற்பட்டுள்ளது... சக பயணி மாக்சிமிலியானோ அவரை கழிவறைக்கு அழைத்துச் சென்றுள்ளார். விமானத்தில் இருந்த ஆஸ்திரிய மருத்துவர்கள் மற்றும் செவிலியர் உதவியுடன் அப்பெண்ணுக்கு அழகான பெண் குழந்தை பிறந்தது... தான் கர்ப்பமாக இருந்ததையே அறியாமல் அப்பெண் விமானத்தில் குழந்தை பெற்றெடுத்துள்ளார்... விமானம் நெதர்லாந்து தலைநகர் ஆம்ஸ்டர்டாமில் தரையிறங்கியதும் உடனடியாக தாயும் சேயும் மருத்துவமனையில் அனுமதிக்கப்பட்டனர். இந்நிலையில் பிரசவத்தின் போது தனக்கு பெரிதும் உதவிய மாக்சிமிலியானோவின் பெயரையே தன் குழந்தைக்கு சூட்டி மகிழ்ந்துள்ளார் தமாரா...