"ஒரேயொரு வாட்ச்சால்.. அரசியல் வரலாற்றில் இதுவரை எவரும் செய்யாததை நான்.." அண்ணாமலை பரபரப்பு பேட்டி

இந்திய அரசியல் வரலாற்றில் இதுவரை யாரும் செய்யாத வகையில் தமது 13 ஆண்டு கால வங்கி கணக்கு நிதி விவரங்களை வெளியிட உள்ளதாக தமிழக பாஜக தலைவர் அண்ணாமலை தெரிவித்துள்ளார்.

பாஜக சார்பில் சென்னையில் சமத்துவ கிறிஸ்துமஸ் விழா நடைபெற்றது.

இதில் தமிழக மாநில தலைவர் அண்ணாமலை மற்றும் இந்து , கிறிஸ்தவ மத தலைவர்கள் பங்கேற்றனர்.

விழாவில் பேசிய அண்ணாமலை தமிழகம் முழுவதும் மக்களை சந்திக்கும் நடைபயணத்தை தொடங்கும் முதல் நாளில் தமது குடும்பத்தினரின் சொத்து விவரங்களை வெளியிட போவதாக கூறினார்.

தமிழக பாஜக தலைவரான பிறகு தான், மனைவியுடன் பொது இடங்களுக்கு செல்வதில்லை என்று அண்ணாமலை தெரிவித்தார்.

ரஃபேல் விமானம் இந்தியாவிற்கு வர வேண்டும் தாம் விரும்பியதாகவும் அண்ணாமலை கூறினார்.