உலகக்கோப்பையில் பங்கேற்குமா பாகிஸ்தான்?... "இதை செய்தால் மட்டுமே.." - பாகிஸ்தான் அமைச்சர் கெடுபிடி

உலகக்கோப்பை தொடரில் குறிப்பிட்ட சில மைதானங்களிலேயே விளையாடுவோம் என்ற கோரிக்கையை முன்வைப்போம் என பாகிஸ்தான் விளையாட்டுத்துறை அமைச்சர் எசான் மசாரி கூறி உள்ளார். இந்தியாவில் நடைபெறும் உலகக்கோப்பை தொடரில் பாகிஸ்தான் பங்கேற்குமா என்பது இன்னும் உறுதியாகவில்லை. இந்நிலையில், இது தொடர்பாக கேள்வி எழுப்பப்பட்டதற்கு பதில் அளித்துள்ள பாகிஸ்தான் விளையாட்டுத்துறை அமைச்சர் மசாரி, இரு தரப்பினருக்கும் பொதுவான மைதானங்களில் மட்டுமே விளையாடுவோம் என இந்தியா கூறுவதைப் போல், தாங்களும் குறிப்பிட்ட சில மைதானங்களிலேயே விளையாட விரும்புவதாகக் கூறினார்.