தமிழகத்தில் பரவலாக பெய்த மழை : வெப்பம் தணிந்து குளிர்ச்சியான சூழல்

தருமபுரி மாவட்டம், பாப்பிரெட்டிபட்டி மற்றும் சுற்று வட்டாரப் பகுதிகளில் கனமழை பெய்தது. வெங்கடசமுத்திரம், சாமியாபுரம் கூட்ரோடு, மஞ்சவாடி, கோம்பூர் நொனங்கனூர் உள்ளிட்ட கிராமங்களில் சுமார் 3 மணி நேரத்துக்கும் மேலாக பலத்த காற்றுடன் கனமழை பெய்தது. பல கிராமங்களில் மின்சாரம் துண்டிக்கப்பட்டதால் மக்கள் அவதியுற்றனர். திருவண்ணாமலை மற்றும் அதன் சுற்றுவட்டார பகுதிகளில் கனமழை பெய்தது. வேங்கிக்கால், அடி அண்ணாமலை, அண்ணா நகர் உள்ளிட்ட பகுதிகளில் கனமழை பெய்தது. சுமார் ஒரு மணி நேரத்துக்கும் மேலாக நீடித்த மழையால், வெப்பத்தின் தாக்கம் குறைந்து குளிர்ச்சியான சூழல் நிலவியது. திருவண்ணாமலை மாவட்டம் வந்தவாசி சுற்றுவட்டார பகுதிகளில் பெய்த மழையால் வெப்பம் தணிந்து குளிர்ச்சியான சூழல் நிலவியது. சென்னாவரம், பிருதூர், மும்முனி, மருதாடு, இளங்காடு, வெண்குன்றம் உள்ளிட்ட பகுதிகளில் மிதமான மழை பெய்தது.