"ஏன் அழைப்பு கொடுக்கல..? இங்க அரசியல் பேச வேணான்னு பாக்குறேன்.." - திருப்பதியில் சுருக்கென்று பேசிய தமிழிசை

தெலுங்கானா மாநில ஆளுநர் தமிழிசை சௌந்தரராஜன் திருப்பதி ஏழுமலையானை வழிபட்டார். விஐபி பிரேக் தரிசனம் மூலம் ஏழுமலையானை வழிபட்ட அவருக்கு தேவஸ்தானம் சார்பில் தீர்த்த பிரசாதங்கள் வழங்கப்பட்டன. தேவஸ்தான வேத பண்டிதர்கள் அவருக்கு வேதஆசி வழங்கினர். பின்னர் கோவிலுக்கு வெளியே செய்தியாளர்களுடன் பேசிய அவர், தெலங்கானாவில் அம்பேத்கர் சிலை, புதிய சட்டமன்ற வளாகம் திறப்பு விழாவிற்கு தம்மை அழைக்காதது ஏன் என்ற கேள்வி மனதில் உள்ளதாக கூறினார்.