நாடாளுமன்ற மழைக்கால கூட்டத்தொடர் எப்போது? வெளியானது தகவல்!

ஜூலை 18 - ஆம் தேதி முதல் ஆகஸ்ட் 12 -ம் தேதி வரை நாடாளுமன்ற மழைக்கால கூட்டத்தொடரை நடத்த நாடாளுமன்ற விவகாரங்களுக்கான அமைச்சரவை பரிந்துரை செய்துள்ளது. மழை கால கூட்டத் தொடர் ஜூலை மாதம் தொடங்குவது குறித்து ஆலோசிக்கப்பட்டு வந்த நிலையில், அதன் தேதிகள் மக்களவை மற்றும் மாநிலங்களவைக்கு பரிந்துரைக்கப்பட்டுள்ளது.இதன் படி ஜூலை 18 - ம் தேதி துவங்கி ஆகஸ்ட் 12ம் தேதி வரை மழைக்கால கூட்டத் தொடரை நடத்துவதற்கு திட்டமிடப்பட்டுள்ளது. இந்த கூட்டத்தில் பல்வேறு விவகாரங்கள் குறித்து ஆலோசிக்கப்படும் என எதிர்பார்க்கப்படுகிறது.பரிந்துரையையடுத்து மக்களவை மற்றும் மாநிலங்களவைக்காண குழு தலைவர்களுக்கான ஆலோசனை கூட்டம் நடத்தப்பட்டு மழைக்காலக் கூட்ட தொடருக்கான தேதி இறுதி செய்யப்படும் என எதிர்பார்க்கப்படுகிறது.