"உனக்கு என்ன வேணும்.. நான் செய்றேன்!" - மாணவனுக்கு சர்ப்ரைஸ் கொடுத்த முதல்வர்

10ம் வகுப்பில் மாணவர் க்ரித்தி வர்மா வெற்றி செய்தி தனது கவனத்தை ஈர்த்த‌தாக முதலமைச்சர் ஸ்டாலின் தெரிவித்துள்ளார். மாணவருக்கு வாழ்த்து தெரிவித்துள்ள முதலமைச்சர், மாணவரின் தாயாரை தொடர்பு கொண்டு பேசியதாக தனது டிவிட்டரில் கூறியுள்ளார். க்ரித்தி வர்மாவுக்கு, கைகள் பொறுத்திட தேவையான மருத்துவ நடவடிக்கைகளை மேற்கொள்ள மக்கள் நல்வாழ்வுத்துறைக்கு உத்தரவிட்டுள்ளதாக முதலமைச்சர் ஸ்டாலின் தெரிவித்துள்ளார். மேற்படிப்புகள் பலவும் கற்று மாணவர் க்ரித்தி வர்மா சிறந்து விளங்க வேண்டும் என கூறியுள்ள முதலமைச்சர், அவருக்கு தமிழக அரசு உறுதுணையாக இருக்கும் என உறுதி அளித்துள்ளார்.