எங்களுக்கு வேற என்ன நாதி இருக்கு.. "திடீர்னு போ சொன்னா எங்க போவோம்?"எங்களுக்கு வேற என்ன நாதி இருக்கு

சிதம்பரத்தில் ஆக்கிரமிப்பு வீடுகளுக்கு சீல் வைக்கப்பட்ட போது பாதிக்கப்பட்டவர்கள் கண்ணீர் விட்டு கதறி அழுதனர்... வேங்கான் தெருவில் குரு நமசிவாய மடத்திற்கு சொந்தமான இடத்தை ஆக்கிரமித்து வீடுகள் கட்டப்பட்டுள்ள நிலையில், இவற்றால் இடையூறு ஏற்படுவதாகக் கூறி சென்னை உயர்நீதிமன்றத்தில் வழக்கு தொடரப்பட்டது. 8 வீடுகளைச் சேர்ந்தவர்கள் பல்வேறு மேல்முறையீட்டு மனுக்களைத் தாக்கல் செய்துள்ளனர். எஞ்சியுள்ள 14 வீடுகளை பூட்டி சீல் வைக்க உத்தரவு பிறப்பிக்கப்பட்டது. இதையடுத்து அதிகாரிகள் போலீஸ் பாதுகாப்புடன் வீடுகளைப் பூட்டி சீல் வைத்தனர். இந்நிலையில், இனி எங்கு சென்று தாங்கள் தங்குவது என பாதிக்கப்பட்ட மக்கள் கண்ணீர் வடித்தது காண்போரைக் கலங்கச் செய்தது.