"ஜல்லிக்கட்டுக்கு இணைய முகப்பு" - சட்டப்பேரவையில் அமைச்சர் தகவல்

சட்டப்பேரவையில் கால்நடைத்துறையில் புதிய அறிவிப்புகளை வெளியிட்ட அமைச்சர் அனிதா ராதாகிருஷ்ணன், ஜல்லிக்கட்டு காளைகளை துன்புறுத்தாமல் மின்னணு முறையில் அடையாளம் கண்டு அவற்றை பதிவு செய்யவும், ஆன்லைன் அமைப்பு மூலம் பதிவு செய்யவும் அனுமதி அளிக்கவும் 87 லட்சம் ரூபாய் செலவில் இணைய முகப்பு உருவாக்கப்படும் என அறிவித்தார். பொதுமக்கள் இடையே உள் நாட்டு நாய் இனங்கள் பற்றிய விழிப்புணர்வை ஏற்படுத்த ராஜபாளையம், கன்னி, சிப்பி பாறை மற்றும் கோம்பை ஆகியவற்றின் பாதுகாப்பிற்காக 5.95 கோடி செலவில் சென்னையில் உள்ள நாய் இனப்பெருக்க மற்றும் பாதுகாப்பு மையம் விரிவாக்கப்படும் என்றார். ஊராட்சி ஒன்றிய கால்நடை மருந்தகங்களுக்கு 20 கோடி செலவில் 50 கையடக்க நுண்ணலை நுண்ணாய்வு எக்ஸ்ரே கதிர் வீச்சு கருவிகள் வழங்கப்படும் என்றும் அறிவித்தார்.

--