"ரிஷப் பண்ட் யாருனே எங்களுக்கு தெரியாது" - நடந்தது என்ன..? - உயிரை காப்பாற்றிய பஸ் டிரைவர் பரபரப்பு தகவல்...

அரியானாவில் கார் விபத்தில் சிக்கிய இந்திய கிரிக்கெட் வீரர் ரிஷப் பண்ட் மருத்துவமனையில் சிகிச்சை பெற்று வருகிறார். இந்த நிலையில் விபத்தின் போது ரிஷப் பண்டிற்கு உதவிய இருவரை அரியானா அரசு கவுரவித்துள்ளது. ரிஷ்ப் பண்ட் கார் விபத்திற்குள்ளானதும், அந்த வழியாக சென்ற பேருந்து ஒட்டுநர் சுஷில் குமார் மற்றும் நடத்துநர் பரம்ஜீத் வாகனத்தை நிறுத்திவிட்டு காரின் அருகில் சென்றுள்ளனர். விபத்தில் படுகாயமடைந்த ரிஷப் பண்ட் வெளியேற முடியாமல், காருக்குள் இருப்பதை பார்த்த இருவரும், ரிஷப் பண்டை மீட்டு வெளியே இழுத்து முதலுதவி அளித்துள்ளனர். அப்போது, தாம் இந்திய கிரிக்கெட் வீரர் என உதவிக்கு வந்த இருவரிடமும் ரிஷப் பண்ட் கூறியுள்ளார். இது குறித்து பேசிய பேருந்து ஓட்டுநர் சுஷில் குமார், கிரிக்கெட் பார்க்கும் ஆர்வம் இல்லாததால், விபத்தில் சிக்கியவர் ரிஷப் பண்ட் என அடையாளம் தெரியவில்லை என்றுள்ளார். இந்த நிலையில், இருவரின் செயலுக்கு பலரும் பாராட்டுக்களை தெரிவித்து வருகின்றனர்.