தீயாய் பரவும் வீடியோ - மதுபிரியர்கள் மத்தியில் அதிர்ச்சி

கோவையில், மதுபாட்டிலுக்குள் ஸ்டிக்கர் கிடந்ததால், மதுப்பிரியர்கள் மத்தியில் பரபரப்பு ஏற்பட்டது. காளப்பட்டி - கைக்கோலம்பாளையம் சாலையில் செயல்பட்டு வரும் மதுபான கடையில், குரும்பபாளையம் பகுதியை சேர்ந்த ரமேஷ் என்பவர் மதுபாட்டில் வாங்கினார். அதில், உபயோகப்படுத்தப்பட்ட ஸ்டிக்கர் ஒன்று கிடந்ததால் அதிர்ச்சியடைந்த அவர், மதுக்கடை ஊழியரிடம் முறையிட்டார். பின்னர், அந்த பாட்டிலை வாங்கிக் கொண்டு, வேறு ஒரு மதுபாட்டில் கொடுத்ததாக தெரிகிறது. இதனிடையே, மதுபாட்டிலில் ஸ்டிக்கர் மிதந்த வீடியோ சமூக வலைதளங்களில் வைரலாகி வருகிறது.