"ரிப்பேர் ஆச்சுன்னா சம்பளத்துல பிடிச்சிடுவேன்"மிரட்டும் துணை தலைவர்..பெண் வெளியிட்ட பரபரப்பு வீடியோ

வேலூர் மாவட்டம் பேர்ணாம்பட்டில் வார்டு பணிக்கு நகராட்சி ஜேசிபி இயந்திரத்தை பயன்படுத்த, நகராட்சி துணை தலைவர் எதிர்ப்பு தெரிவிப்பதாக பெண் வார்டு உறுப்பினர் புகார் தெரிவித்துள்ளார். பேர்ணாம்பட்டு நகராட்சி 6 வது வார்டு உறுப்பினராக தன்வீரா பேகம் இருந்து வருகிறார். இந்நிலையில், அதே பகுதியில் பாயும் கொட்டாற்றை தூர்வாரக்கோரி, அவர் நகராட்சிக்கு தொடர்ந்து வலியுறுத்தி உள்ளார். ஆனால், நடவடிக்கை எடுக்காததால், அவரே நகராட்சி ஜேசிபி இயந்திரத்தை வரவழைத்து, தூர்வாரும் பணியை மேற்கொண்ட நிலையில், இதற்கு திமுக நகராட்சி துணை தலைவர் எதிர்ப்பு தெரிவித்ததாக கூறி, தன்வீரா பேகம் வீடியோ ஒன்றை வெளியிட்டுள்ளார்.