நேருக்கு நேர் மோதிய வாகனங்கள்..அமர்ந்த நிலையிலே பிரிந்த 4 உயிர்கள் - பொசுங்கி போய் கிடக்கும் வாகனம்

கரூர் அருகே, இரண்டு வாகனங்கள் நேருக்கு நேர் மோதிக் கொண்ட விபத்தில் 4 பேர் உயிரிழந்த சம்பவம் சோகத்தை ஏற்படுத்தியுள்ளது. புதுக்கோட்டையில் இருந்து கிணத்துக்கடவு நோக்கி 10 பேருடன் சென்றுக் கொண்டிருந்த தோஸ்த் வாகனம் மீது, திருச்சி நோக்கி சென்றுக் கொண்டிருந்த கனரக வாகனம் நேருக்கு நேர் மோதியது. இதில், 3 பேர் சம்பவ இடத்திலேயே உயிரிழந்த நிலையில், 4 பேர் படுகாயங்களுடன் மருத்துவமனையில் அனுமதிக்கப்பட்டனர். இதனைத் தொடர்ந்து, மேலும் ஒருவர் சிகிச்சை பலனின்றி உயிரிழந்தார். இந்நிலையில் சம்பவம் குறித்து வழக்குப்பதிவு செய்த போலீசார், விசாரித்து வருகின்றனர்.