அதிமுக EX MLA மகன் உள்பட இருவர் திடீர் கைது - சென்னையில் பரபரப்பு

சென்னை கோயம்பேட்டில், மதுபோதையில் ஜேசிபி இயந்திரத்தின் கண்ணாடியை அடித்து நொறுக்கியதாக, அதிமுக முன்னாள் எம்.எல்.ஏ மகன் உள்பட இருவர் கைது செய்யப்பட்டனர்.

நெற்குன்றம் பகுதியைச் சேர்ந்த தர்மகுட்டி என்பவருக்கும், பூந்தமல்லி அதிமுக முன்னாள் எம்.எல்.ஏ மணிமாறனின் மகன் மணிகா ஜெயா சிம்மன் என்பவருக்கும் இடையே முன்விரோதம் இருந்து வந்ததாக கூறப்படுகிறது. இந்நிலையில், மதுபோதையில் இருந்த மணிகா ஜெயா சிம்மன், தனது நண்பர்களுடன் சேர்ந்து தர்மகுட்டியின் ஜேசிபி இயந்திரத்தின் கண்ணாடியை அடித்து நொறுக்கியதாக தெரிகிறது. இது குறித்த புகாரின் பேரில் வழக்குப் பதிவு செய்த கோயம்பேடு போலீசார், மணிகா ஜெயா சிம்மன், அவரது நண்பர் சங்கித் ஆகியோரை கைது செய்தனர். மேலும், தலைமறைவாக உள்ள மற்றொருவரை தேடி வருகின்றனர்