பனைமரத்தில் உச்சியில் திடீர் தசைப்பிடிப்பு - 60 அடி உயரத்தில் சிக்கி தவித்த நபர் - திக் திக் நிமிடங்கள்

தூத்துக்குடி அருகே 60 அடி உயர பனை மரத்தில் சிக்கி தவித்த பனை தொழிலாளியை தீயணைப்பு வீர‌ர்கள் பத்திரமாக மீட்டனர்.

தூத்துக்குடி மாவட்டம் மகிழ்ச்சிபுரம் பகுதியை சேர்ந்த ஆசீர் ஐசக் என்பவர் பனை மரம் ஏறியபோது, அவருக்கு திடீரென கையில் தசைப்பிடிப்பு ஏற்பட்டுள்ளது.

இதனால், அவர் 60 அடி உயர பனை மரத்தில் இருந்து இறங்க முடியாமல், சிக்கி தவித்துள்ளார்.

இதுகுறித்து தகவல் அறிந்து சம்பவ இடத்திற்கு வந்த தீயணைப்பு துறையினர், பனை மரத்தில் சிக்கி தவித்த தொழிலாளியை கயிறு கட்டி பத்திரமாக மீட்டனர்.