மீன் பிடித்தபோது நிகழ்ந்த சோகம் - 2 பேர் பலி | thiruvannamalai

திருவண்ணாமலை மாவட்டம் கொட்டையூர் கிராமத்தில் உள்ள ஏரியில் அதே பகுதியை சேர்ந்த ஏழுமலை மற்றும் சுப்பிரமணி ஆகியோர் தொடர்ந்து மீன் பிடித்து வந்துள்ளனர்.

வெளியே சென்றிருந்த இருவரும் வீடு திரும்பாத நிலையில் அவர்களுடைய 2 சக்கர வாகனமும், உடமைகளும் ஏரிக்கரையில் கிடந்துள்ளன. இது குறித்த தகவலின் பேரில் சம்பவ இடத்திற்கு சென்ற தீயணைப்புதுறையினர் 2 நாள் தேடுதலுக்கு பின் ஏரியில் இருந்து ஏழுமலை மற்றும் சுப்பிரமணியை சடலமாக மீட்டனர். இந்த சம்பவம் குறித்து வாணாபுரம் காவல் துறையினர் வழக்கு பதிவு செய்து தீவிர விசாரணை செய்து வருகின்றனர்.