திருவிழாவில் தீர்த்தக்குடம் எடுக்க சென்ற 8 பேருக்கு நேர்ந்த விபரீதம்

சத்தியமங்கலம் அருகே, தீர்த்தக்குடம் எடுப்பதற்காக மினி டெம்போவில் சென்ற போது, வாகனத்தில் இருந்த பட்டாசு வெடித்ததில், எட்டு பேருக்கு காலில் தீக்காயம் ஏற்பட்டது. புதுவடவள்ளி கிராமத்தில் உள்ள மாரியம்மன் கோயில் திருவிழாவை முன்னிட்டு, தீர்த்தகுடம் எடுப்பதற்காக 20க்கும் மேற்பட்டோர், கெஞ்சனூர் பவானி ஆற்றங்கரை நோக்கிச் சென்றனர். அப்போது, மினி டெம்போவில் கொண்டுச் செல்லப்பட்ட பட்டாசு, எதிர்பாராத விதமாக வெடித்ததில், எட்டு பேருக்கு காலில் தீக்காயம் ஏற்பட்டது. உடனடியாக அவர்கள் மீட்கப்பட்டு, சத்தியமங்கலம் அரசு மருத்துவமனைக்கு அழைத்துச் செல்லப்பட்டனர்.