கூடுதல் பணம் கேட்டு சுற்றுலா இளைஞர்கள் மீது தாக்குதல் - ஒகேனக்கலில் பரிசல் ஓட்டிகள் அடாவடி

நேற்று பெங்களூரைச் சேர்ந்த இளைஞர்கள் சிலர் ஒகேனக்கலை சுற்றிப் பார்க்க வந்துள்ளனர். அப்போது பரிசல் ஓட்டிகள் அதிக கட்டணம் கேட்டதாகத் தெரிகிறது. இதுகுறித்து பரிசல் ஓட்டிகளுக்கும் பெங்களூரு இளைஞர்களுக்கும் இடையே வாக்குவாதம் நிகழ்ந்துள்ளது. வாக்குவாதம் முற்றிய நிலையில், பரிசில் ஓட்டிகள் ஒன்று கூடி, பெங்களூர் இளைஞர்களை கடுமையாக தாக்கியுள்ளனர். இதனால் இளைஞர்களும் எதிர்த் தாக்குதல் நடத்தியுள்ளனர். இச்சம்பவம் பதிவான வீடியோ வெளியாகி சமூக வலைதளங்களில் அதிகம் பரவி வருகிறது.