குரூப் - 1 தேர்வு எப்போது? - வெளியான அறிவிப்பு

குரூப் 1 தேர்வு அறிவிப்பை தமிழ்நாடு அரசுப்பணியாளர் தேர்வாணையம் வெளியிட்டுள்ளது. தமிழ்நாடு அரசு பணியாளர் தேர்வாணையம் வெளியிட்ட 2023 ஆண்டு அட்டவணையில் குரூப்-1 தேர்வு குறித்த அறிவிப்பு வெளியிடப்படவில்லை . முக்கிய தேர்வுகளான குரூப் 2 குரூப்-1 தேர்வுகள் குறித்து அறிவிப்பை வெளியிடவில்லை என விமர்சனங்கள் எழுந்தன. மேலும், ராமதாஸ், ஓ.பன்னீர்செல்வம் உள்ளிட்டோர், இந்தப் பணியிடங்களை அதிகரிக்க வேண்டும் என கோரிக்கை விடுத்தனர். இந்த நிலையில் தற்போது குரூப் 1 தேர்வு அறிவிப்பு வெளியிடப்பட்டுள்ளது. முதல் நிலைத் தேர்வு 2023 நவம்பர் மாதம் நடத்தப்பட்டு, 2024 மார்ச் மாதம் தேர்வு முடிவுகள் வெளியிடப்படும். முதன்மைத் தேர்வு, 2024 ஜூலை மாதம் நடத்தப்பட்டு, நவம்பர் மாதம் தேர்வு முடிவுகள் வெளியிடப்படும். டிசம்பர் மாதம் நேர்காணல் தேர்வும், கலந்தாய்வும் நடத்தப்படும் எனவும், காலி பணியிடம் குறித்த விவரங்கள் பின்னர் அறிவிக்கப்படும் என தெரிவிக்கப்பட்டுள்ளது.