TNPL கிரிக்கெட் 7-வது சீசனுக்கான வீரர்கள் ஏலம்.. ஐ.பி.எல் பாணியில் வீரர்கள் தேர்வு
- டிஎன்பிஎல் 20 ஓவர் கிரிக்கெட் தொடரின் 7-வது சீசனுக்கான வீரர்கள் ஏலம், சென்னையை அடுத்த மாமல்லபுரத்தில் இன்றும் நாளையும் நடைபெறவுள்ளது.
- இந்த தொடருக்கு இதுவரை டிராப்ட் முறையில் வீரர்கள் தேர்வு செய்யப்பட்ட நிலையில், இந்த ஆண்டு ஐ.பி.எல் தொடரைப் போன்று ஏலத்தின் அடிப்படையில் வீரர்கள் தேர்வு செய்ய உள்ளனர்.
- மொத்தம் 943 வீரர்களுக்கு நடைபெறும் ஏலத்தில், பிசிசிஐ நடத்தும் முதல்தர உள்நாட்டு போட்டியில் விளையாடிய வீரர்கள் உட்பட நான்கு பிரிவுகளாக வீரர்கள் பிரிக்கப்பட்டுள்ளனர்.
- ஏலத்தில் பங்கேற்கும் ஒவ்வொரு அணியும் 70 லட்ச ரூபாயை மொத்த தொகையாக கொண்டு தங்களின் அணிக்கான வீரர்களை ஏலம் எடுக்க முடியும்.
- 8 அணிகளும் ஏலத்தில் குறைந்தபட்சம் 16 வீரர்களையும் அதிகபட்சமாக 20 வீரர்களையும் தேர்வு செய்ய வேண்டும்.
- ஒவ்வொரு அணியும் ஏற்கனவே 2 வீரர்களை தக்கவைத்துக் கொண்டுள்ளனர். சேப்பாக் சூப்பர் கில்லீஸ் அணியில் நாராயண் ஜெகதீசன், சசிதேவ் ஆகிய இருவரும் உள்ளனர் என்பது குறிப்பிடத்தக்கது.
Next Story
