உணவு வைக்கச் சென்றவரை கடித்துக் குதறிய வளர்ப்பு நாய் - திருப்பூரில் அதிர்ச்சி

திருப்பூரில், வளர்ப்பு நாய்க்கு உணவு வைக்கச் சென்றவரை நாய் கடித்துக் குதறிய சம்பவம் அதிர்ச்சியை ஏற்படுத்தியுள்ளது. திருப்பூர் மாவட்டம், ஊத்துக்குளி சாலை பாரப்பாளையம் பகுதியில் உள்ள ஒரு நிறுவனத்தில் பணியாற்றி வருபவர் மலைச்சாமி. கடந்த ஞாயிற்றுக்கிழமை, வளர்ப்பு நாய்க்கு மலைச்சாமி உணவு வைக்கச் சென்றுள்ளார். அப்போது, அந்த நாய் கூண்டுக்கு வெளியே இருந்ததாகக் கூறப்படுகிறது. இதை அறியாமல் உணவைக் கொண்டுச் சென்ற அவரை, நாய் கடுமையாக கடித்துக் குதறியது. அக்கம்பக்கத்தினர், அவரை மீட்டு மருத்துவமனையில் அனுமதித்தனர்.