பட்டாகத்தியுடன் டிப் டாப் இளைஞர்.. பொளந்து கட்டிய போலீஸ்..

ராமேஸ்வரத்தில் பக்தர்களை பட்டாக்கத்தியை காட்டி தாக்க முயன்ற நபரை போலீசார் கைது செய்தனர். ராஜபாளையத்தில் இருந்து 2 வேன்களில், 30-க்கும் மேற்பட்ட பக்தர்கள் ராமேஸ்வரத்திற்கு வந்தனர். வீரபத்திரன் சுவாமி கோயில் அருகே வாகனத்தை நிறுத்திவிட்டு பெண்கள் இறங்கியபோது, அங்கு இருசக்கர வாகனத்தில் அதிவேகமாக வந்த இருளேஸ்வரன் என்ற இளைஞர், பெண்கள் மீது மோதியுள்ளார். இதனை தட்டிக்கேட்டதால் ஆத்திரமடைந்த அந்த இளைஞர், தன்னிடம் இருந்த பட்டாக்கத்தியை காட்டி தாக்க முற்பட்டார். அவரை எச்சரித்த காவலர் முத்துக்குமாரையும் கத்தியால் தாக்க முயன்றார். பின்னர் அந்த இளைஞர் காவல்நிலையத்தில் ஒப்படைக்கப்பட்டார். இதுகுறித்த வீடியோ, சமூக வலைதளத்தில் வைரலாகி வருகிறது.