பொங்கலுக்கு மோதும் துணிவு vs வாரிசு - திடீர் ஆலோசனையில் இறங்கிய விஜய் தரப்பு
பொங்கலுக்கு மோதும் துணிவு vs வாரிசு - திடீர் ஆலோசனையில் இறங்கிய விஜய் தரப்பு
பொங்கலுக்கு விஜய் நடிப்பில் வெளியாகும் வாரிசு படம் வெற்றி பெற, என்னென்ன செய்யலாம் என்பது குறித்த ஆலோசனை கூட்டம் சென்னை அடுத்த பனையூரில் விஜய் மக்கள் இயக்கம் சார்பில் நடைபெற்றது.
வரும் பொங்கல் பண்டிகைக்கு விஜய் நடிப்பில் வாரிசு மற்றும் அஜித் நடிப்பில் துணிவு ஆகிய 2 படங்களும் ஒரே நாளில் ரிலீஸ் ஆகிறது. இதனால் இரு தரப்பிற்கும் இடையே கடும் போட்டி நிலவும் என எதிர்ப்பார்க்கப்படுகிறது. இந்த நிலையில் விஜய் மக்கள் இயக்கத்தின் நிர்வாகிகளை அழைத்து ஆலோசனை கூட்டம் நடத்த நடிகர் விஜய் உத்தரவிட்டுள்ளார். அதன்படி விஜய் மக்கள் இயக்கத்தின் பொதுச்செயலாளர் புஸ்லி ஆனந்த் தலைமையில், பனையூரில் இந்த ஆலோசனைக் கூட்டம் நடைபெற்றது. மக்கள் இயக்க வளர்ச்சி பணிகள் குறித்து இந்த ஆலோசனை கூட்டம் நடத்தப்படுவதாக தகவல்கள் வெளியாகி இருந்தாலும், வாரிசு படமும், துணிவு படமும் ஒரே நாளில் திரைக்கு வரும் நிலையில் இந்த போட்டியை சமாளித்து, இதில் வெற்றி பெற என்னென்ன செய்யலாம் என்பது குறித்தே இந்த ஆலோசனை கூட்டம் நடந்துள்ளதாக கூறப்படுகிறது.
