கொஞ்ச நேரத்தில இவ்ளோ மழையா? - குஜராத்தை புரட்டி போட்ட கனமழை - வெள்ளத்தில் நீச்சலடிக்கும் வாகனங்கள்

குஜராத் மாநிலம் ராஜ்கோட் மாவட்டத்தில் வெளுத்து வாங்கிய கனமழையால், பலத்த சேதம் ஏற்பட்டுள்ளது.

ராஜ்கோட் மாவட்டம் தோராஜி நகரில் குறிப்பிட்ட சில மணி நேரத்தில் 30 சென்டிமீட்டர் மழை பதிவாகி உள்ளது. கனமழையால் தெருக்கள், சாலைகளில் வெள்ளம் பெருக்கெடுத்து ஓடியது. வீட்டிற்கு வெளியே மற்றும் சாலை ஓரத்தில் நிறுத்தப்பட்டிருந்த கார்கள் வெள்ளநீரில் மூழ்கின. தாழ்வான குடியிருப்பு பகுதியில் வெள்ள நீர் புகுந்ததால் மக்களின் இயல்பு வாழ்க்கை பாதிக்கப்பட்டுள்ளது. கிர் சோம்நாத், கட்ச், நவ்சாரி, வல்சாத், அம்ரேலி மற்றும் ராஜ்கோட் மாவட்டங்களுக்கு இன்றும் கனமழை எச்சரிக்கை விடுக்கப்பட்டுள்ளதால், அந்தந்த பகுதிகளில் தலா ஒரு என்டிஆர்எப் குழு தயார்நிலையில் வைக்கப்பட்டுள்ளது.