கோயிலுக்கு செல்லும் வழியில் விபத்து, 2 குழந்தைகள் உட்பட 5 பேருக்கு பலத்த காயம்

சனீஸ்வர பகவான் கோயிலுக்கு செல்லும்போது கார் மரத்தில் மோதிய விபத்தில், ஐந்து பேர் பலத்த காயமடைந்தனர். ஈரோடு மாவட்டத்தை சேர்ந்த ஐந்து பேர், திருநள்ளாறு சனீஸ்வர பகவான் கோயிலுக்கு காரில் சென்றுள்ளனர். இந்தநிலையில் திருவாரூர் மாவட்டம் நாடாகுடி அருகே அவர்கள் சென்ற கார், சாலையோர மரத்தில் மோதி உள்ளது. இதில் காரிலிருந்த இரண்டு குழந்தைகள் உட்பட 5 பேர் பலத்த காயமடைந்தனர். காயமடைந்தவர்கள் மருத்துவமனையில் அனுமதிக்கப்பட்டுள்ள நிலையில், விபத்து குறித்து போலீசார் விசாரணை நடத்தி வருகின்றனர்.