திருவண்ணாமலையில் தீபத் திருவிழா நிறைவு | அண்ணாமலையார் பாதத்தில் பரிகார பூஜை

திருவண்ணாமலையில் கார்த்திகை தீபத்திருவிழா நிறைவடைந்ததை அடுத்து, அண்ணாமலையார் பாதத்தில் பரிகார பூஜை செய்யப்பட்டது. கார்த்திகை தீபத்தை முன்னிட்டு, கடந்த 6-ஆம் தேதி, அண்ணாமலையார் கோயிலின் உள்ளே பரணி தீபமும், மாலையில் அண்ணாமலையார் மலையின் மீது மகா தீபமும் ஏற்றப்பட்டது. கார்த்திகை தீபத் திருவிழாவின்போது மலையின் மீது பக்தர்கள் சென்று வந்ததாலும், அவர்களின் காலடி தடத்தினால் எழுந்த தோஷங்களை நிவர்த்தி செய்யும் வகையிலும், அண்ணாமலையார் பாதத்திற்கு சிறப்பு பரிகார பூஜை செய்யப்பட்டது.