#Breaking|| ஈரோடு கிழக்கில் மறைந்த திருமகன் ஈவேராவின் தம்பி போட்டியிட வாய்ப்பு?

ஈரோடு கிழக்கு இடைத்தேர்தலில் காங்கிரஸ் எம்எல்ஏவான திருமகன் ஈவெரா சமீபத்தில் காலமானார். இதனால் அந்த தொகுதி காலியானதாக அறிவிக்கப்பட்டு, இடைத்தேர்தலுக்கான தேதியும் சொல்லப்பட்டது. அந்த வகையில் மீண்டும் காங்கிரஸே அங்கே போட்டியிடுகிறது.

வேட்பாளராக யாரை முன்னிறுத்தலாம் என காங்கிரஸ் தரப்பு தீவிர ஆலோசனையில் இறங்கியிருக்கிறது. அந்த வகையில் திருமகனின் தந்தையான ஈவிகேஎஸ் இளங்கோவனின் பெயர் பரிசீலனையில் இருந்தது. காங்கிரஸ் நிர்வாகிகளும் தொண்டர்களும் அவரை போட்டியிட அழைத்தனர்.

இப்போது அவர் போட்டியிடவில்லை என தகவல் வெளியாகியுள்ளது. இச்சூழலில் தான் அவரின் மகனும் திருமகனின் தம்பியுமான சஞ்சய் சம்பத் போட்டியிட வாய்ப்பிருப்பதாகச் சொல்லப்படுகிறது. இவர் திருமகன் போட்டியிடும்போது தேர்தல் பொறுப்பாளராக பணியாற்றியது குறிப்பிடத்தக்கது.