நடந்து சென்ற பெண்.. நைஸாக பின்னாடி பைக்கில் வந்தவர் பகீர் செயல்.. ஆட்டோ முன் பாய்ந்து நொடியில் உயிர் தப்பிய பெண்

சென்னை சைதாப்பேட்டையில், நடந்து சென்ற பெண்ணிடம் இருசக்கர வாகனத்தில் வந்த இளைஞர், ஏழு சவரன் நகையை பறித்துச் சென்றார். சைதாப்பேட்டையை சேர்ந்த பூங்கொடி என்பவர், கூத்தாடும் பிள்ளையார் கோயில் தெரு வழியாக நடந்து சென்றார். அப்போது, இருசக்கர வாகனத்தில் வந்த இளைஞர், பூங்கொடி அணிந்திருந்த ஏழு சவரன் தங்கச் சங்கிலியை பறித்துச் சென்றார். இதனால் அதிர்ச்சியடைந்து கீழே விழுந்ததில், அவருக்கு கழுத்து மற்றும் கால் பகுதியில் காயம் ஏற்பட்டது. இது தொடர்பான சிசிடிவி காட்சிகளின் அடிப்படையில், சைதாப்பேட்டை போலீசார் விசாரணை நடத்தி வருகின்றனர்.