நார் நாராக வரும் தார் சாலை - கையில் பெயர்த்து விளையாடும் சிறுவர்கள்

விருத்தாச்சலம் அடுத்த புதுக்கூரைப்பேட்டை கிராமத்தில் தரமற்ற முறையில் சாலை அமைக்கப்பட்டுள்ளதாக, அப்பகுதி மக்கள் குற்றம் சாட்டியுள்ளனர்.

புதுகூரைப்பேட்டை கிராமத்தில் ஊராட்சி ஒன்றிய கவுன்சிலர் நிதியில் தார் சாலை அமைக்கும் பணி நடைபெற்று வருகிறது.

இந்நிலையில், சாலை அமைக்கும் இயந்திரம் பழுதானதால் பணி பாதியில் நிறுத்தப்பட்டது.

இதனிடையே, அமைக்கப்பட்ட சாலை தரம் இல்லாமல் உள்ளதாக கூறி, பொதுமக்கள், சிறுவர்கள் தார் சாலையை கைகளால் எடுத்து காண்பித்ததோடு, உரிய நடவடிக்கை எடுக்கவும் வலியுறுத்தினர்.