விபத்தில் காயமடைந்தவரை பள்ளிக்குள் இழுத்துச்சென்று தாக்குதல்

பல்லடம் அருகே விபத்தில் காயமடைந்தவரை தனியார் பள்ளி வளாகத்திற்குள் இழுத்துச்சென்று தாக்கியது அதிர்ச்சியை ஏற்படுத்தியுள்ளது.திருப்பூர் சாலையில் செயல்பட்டுவருகிறது தனியார் மெட்ரிக் பள்ளியில், மாலை பள்ளி முடிந்து மாணவர்கள் வீட்டிற்கு திரும்பி கொண்டிருந்தனர். அப்போது, பள்ளி வளாகத்தில் இருந்து பெற்றோர் ஒருவர் தனது குழந்தையை கூட்டிக்கொண்டு பைக்கில் சாலையை கடக்க முயன்றார். பல்லடத்தில் இருந்து திருப்பூர் நோக்கி சென்றுக் கொண்டிருந்த இருசக்கர வாகனம், அவரது பைக்கில் மோதியது. இதில் பெற்றோர் காயம் அடைந்தார். பைக்கை ஓட்டி வந்த சஞ்சை என்பவருக்கும் காயம் ஏற்பட்ட நிலையில், அவரை பள்ளி ஊழியர்கள் வளாகத்திற்கு இழுத்துச்சென்று தாக்கியதாக குற்றச்சாட்டுஎழுந்துள்ளது.