யானை மீது அமர்ந்து தேசிய கொடி அசைக்கும் மும்மதத்தினர்... சுதந்திர தின கவனம் ஈர்த்த பொம்மை

உடுமலையில் சுதந்திரதினத்தை முன்னிட்டு, யானை மீது மும்மதத்தினர் அமர்ந்து தேசியகொடி அசைப்பது போன்று உருவாக்கப்பட்டுள்ள பொம்மை அனைவரது கவனத்தையும் ஈர்த்து வருகிறது. திருப்பூர் மாவட்டம் உடுமலையை சேர்ந்தவர் ஹக்கீம். விசேசங்களுக்கு அலங்கார வேலைகள் செய்து வரும் இவர், நாட்டின் 75வது சுதந்திர தினத்தை முன்னிட்டு, யானை மீது இந்து, இஸ்லாம், கிறிஸ்துவ மதங்களை சார்ந்தவர்கள், யானை மீது அமர்ந்து தேசிய கொடியை அசைப்பது போன்ற தத்ரூபமான பொம்யை உருவாக்கியுள்ளார். இந்த பொம்பை அனைவரது கவனத்தையும் ஈர்த்து ஹக்கீமுக்கு பாராட்டுக்களை பெற்று தந்து வருகிறது. 75வது சுதந்திர தின திருநாளில், ஒற்றுமையை வலியுறுத்தி இந்த பொம்மையை உருவாக்கியுள்ளதாக ஹக்கீம் தெரிவித்துள்ளார்.