பக்கா பிளானோடு கதவை திறந்த திருடன்..நகையுடன் பைக்கையும் தள்ளி சென்ற தில்லாலங்கடி "மண்டைல இருந்த கொண்டையை மறந்துட்டியே"

ஈரோடு அருகே வீட்டின் பூட்டை, கொள்ளையன் உடைக்கும் காட்சி சிசிடிவியில் பதிவாகியுள்ளது. ஈரோடு மாவட்டம், சின்னதோட்டம் பகுதியைச் சேர்ந்த தம்பதி விஜயதுறை - சாந்தி. இவர்களது மகளின் திருமணத்திற்காக சென்னை சென்றிருந்தனர். இந்நிலையில், இவர்கள் சென்னையில் இருந்து வீடு திரும்பிய போது, வீட்டின் பூட்டு உடைக்கப்பட்டு 12 பவுன் நகை, ஒரு கிலோ வெள்ளி கொள்ளையடித்துச் சென்றது கண்டு அதிர்ச்சி அடைந்தனர். இது குறித்து சிசிடிவி காட்சிகளில் பார்த்த போது, அடையாளம் தெரியாத நபர் ஒருவர், வீட்டின் பூட்டை உடைப்பதும், பின்னர் வாசலில் இருந்து இரு சக்கர வாகனத்தை எடுத்துச் சென்றதும் பதிவாகி இருந்தது. இதனைக் கொண்டு போலீசார் விசாரணை செய்து வருகின்றனர்.