துணிக்கடையில் மர்ம கும்பலின் துணிகரம்..இரவோடு இரவாக கைவரிசை - அதிர்ச்சி சிசிடிவி காட்சி

திருச்சி அருகே ஜவுளிக்கடையின் பூட்டை உடைத்த மர்மநபர்கள் ஜவுளிகளை திருடி செல்லும் சிசிடிவி காட்சி வெளியாகியுள்ளது. சமயபுரம் அடுத்த மேலவாளாடி பகுதியில் ஜவுளிக்கடை நடத்தி வருபவர் ஆனந்த்குமார். இவரது கடைக்குள் இரவில் புகுந்த மர்மநபர்கள் கடையின் பூட்டை உடைத்து, 60 ஆயிரம் ரூபாய் மதிப்புள்ள ஜவுளி ஆடைகளை திருடி சென்றதாக கூறப்படுகிறது. இது குறித்து கடை உரிமையாளர் அளித்த புகாரின் அடிப்படையில் விசாரணை நடத்தி வந்த போலீசார், கடையில் உள்ள சிசிடிவி காட்சிகளை சோதனையிட்டனர். அதில், மர்மநபர்கள் கடையில் கைவரிசை காட்டி செல்லும் காட்சிகள் பதிவாகியிருந்த நிலையில், கொள்ளையர்களை போலீசார் வலை வீசி தேடி வருகின்றனர்.