ராகிங் செய்து வெறித்தனமாக தாக்கிக்கொள்ளும் மாணவர்கள்.. நடுரோடு வரைக்கும் வெடித்த மோதல்

கேரள மாநிலம் கோழிக்கோடு அருகே கல்லூரி மாணவர்களுக்கு இடையேயான மோதல் தொடர்பாக 15 மாணவர்கள் தற்காலிகமாக கல்லூரியில் இருந்து நீக்கப்பட்டுள்ளனர்.

தாமரை சேரி பகுதியில் அமைந்துள்ள கல்லூரியில் பயிலும் 3ம் ஆண்டு மாணவர்கள் 2ம் ஆண்டு மாணவர்களை ராகிங் செய்ததாக தெரிகிறது. இதனால் இருதரப்பு மாணவர்களிடையே பிரச்சனை எழுந்த நிலையில், மோதல் வெடித்தது. தகவலறிந்து விரைந்து சென்ற போலீசார் தடியடி நடத்தி மாணவர்களை கலைத்தனர். இந்நிலையில், இச்சம்பவம் தொடர்பாக விசாரணை மேற்கொண்ட கல்லூரி நிர்வாகம் இந்த பிரச்சினையில் முக்கிய பங்கு வகித்த 15 பேரை தற்காலிகமாக கல்லூரியிலிருந்து நீக்கியுள்ளது. மாணவர்களின் மோதல் தொடர்பான காட்சிகள் தற்போது சமூக வலைதளங்களில் வேகமாக பரவி வருகின்றன.