வீட்டிற்குள் கேட்ட அலறல் சத்தம்.. ஓடி வந்து பார்த்தவர்களுக்கு பேரதிர்ச்சி.. தீயில் எரிந்து கொண்டிருந்த குடும்பம்

வீட்டிற்குள் கேட்ட அலறல் சத்தம்.. ஓடி வந்து பார்த்தவர்களுக்கு பேரதிர்ச்சி.. தீயில் எரிந்து கொண்டிருந்த குடும்பம்

கேரள மாநிலம் திருச்சூரில், கடன் தொல்லை காரணமாக, ஒரே குடும்பத்தைச் சேர்ந்த 4 பேர் தீவைத்து தற்கொலை செய்து கொண்ட சம்பவம் சோகத்தை ஏற்படுத்தியுள்ளது.

திருச்சூர் திருவில்வமலை பகுதியை சேர்ந்த ராதாகிருஷ்ணன் - சாந்தி தம்பதிக்கு, கார்த்திக், ராகுல் என 2 மகன்கள் இருந்தனர்.

ராதாகிருஷ்ணனுக்கு தொழிலில் ஏற்பட்ட நஷ்டம் காரணமாக, கடன் பிரச்சினை அதிகரித்துள்ளது.

கடனை திருப்பிச் செலுத்த முடியாத காரணத்தால், குடும்பத்துடன் தற்கொலை செய்து கொள்ள முடிவு செய்துள்ளனர்.

இதனைத் தொடர்ந்து, வீட்டின் சமையலறையில் 4 பேரும் உடலில் மண்ணெண்ணெய் ஊற்றி தீவைத்துக் கொண்டனர்.

அலறல் சத்தம் கேட்டு ஓடி வந்த அக்கம்பக்கத்தினர், தீயில் கருகிய 4 பேரையும் மீட்டு மருத்துவமனையில் அனுமதித்தனர்.

ஆனால் சிகிச்சைப் பலனின்றி 4 பேரும் பரிதாபமாக உயிரிழந்தனர்.

இந்த சம்பவம் அப்பகுதி மக்களிடையே சோகத்தை ஏற்படுத்தியுள்ளது.