அழகான மழலை குரலில் கோரிக்கை..சற்றும் யோசிக்காமல் ஆசையை நிறைவேற்றிய விஜய் மக்கள் இயக்கத்தினர்

நடிகர் விஜய்யின் 49 -வது பிறந்தநாளை முன்னிட்டு, நெல்லை மாவட்டம் அம்பையில், விஜய் மக்கள் இயக்கம் சார்பாக 49 வகையான நலத்திட்ட உதவிகள் வழங்கும் நிகழ்ச்சி நடைபெற்றது. இந்த நிகழச்சியை மாவட்ட இளைஞரணி தலைவர் ராஜகோபால் தொடங்கி வைத்தார். தொடர்ந்து நிகழ்ச்சியில் அனைவருக்கும் இனிப்புகள் வழங்கப்பட்டு, மரக்கன்றுகள், அரிசி, பலசரக்கு சாமான்கள், உதவித்தொகை, பள்ளி மாணவர்களுக்கு புத்தகங்கள் என 49 வகையான நலத்திட்ட உதவிகளை சுமார் 100 பயனாளிகளுக்கு வழங்கினர். அப்போது, சைக்கிள் வேண்டுமென சிறுமி ஒருவர் மழலை குரலில் விடுத்த கோரிக்கையை, விஜய் மக்கள் இயக்கத்தினர் நிறைவேற்றினர்.