பட்டப் பகலில் கத்தியுடன் மோதிக் கொண்ட ரவுடிகள் - சென்னையில் பரபரப்பு | Chennai | Rowdies

பட்டப் பகலில் கத்தியுடன் மோதிக் கொண்ட ரவுடிகள் - சென்னையில் பரபரப்பு

பழைய வண்ணாரப்பேட்டையில் கொலை, கொலை முயற்சி உள்ளிட்ட 15-க்கும் மேற்பட்ட வழக்குகள் நிலுவையில் இருக்கும் மதன் என்பவர், தனது நண்பர் ரவியுடன் வீட்டருகே அமர்ந்து மது அருந்தி கொண்டிருந்தார். அப்போது, அங்கு வந்த ரவியின் தம்பி சுதாகர், மதனிடம் வாய்த்தகராறு செய்துள்ளார். பின்னர் மூவரும் ஒருவரை ஒருவர் தாக்கிக் கொண்டனர். அதில், தலையில் காயமடைந்த ரவி, தண்டையார்பேட்டையில் உள்ள தனியார் மருத்துவமனைக்கு சென்றார். மதனும் அவருடைய குடும்பத்தினரும் அங்கு சென்று தகராறு செய்ததால், தகவல் அறிந்து வந்த ரவியின் மகன்களும், நண்பரும் மதனைத் தாக்கி, வயிற்றில் கத்தியால் குத்தினர். அதில், காயமடைந்த மதனை, போலீசார் மீட்டு ஸ்டான்லி மருத்துவமனையில் சேர்த்தனர். மதன் தரப்பினர் தாக்கியதில் காயமடைந்த ரவி, ராஜீவ் காந்தி மருத்துவமனையில்அனுமதிக்கப்பட்டார். இரு தரப்பினரும் கொடுத்த புகாரின்பேரில், ரவி மற்றும் அவரது மகன்கள் உள்ளிட்ட 5 பேரை தண்டையார்பேட்டை போலீசார் கைது செய்தனர்.