"உயிர் போச்சுனா யார் பதில் சொல்வா?" - மாணவனிடம் ஆபத்தான வேலை வாங்கிய ஆசிரியர் - அதிர்ச்சி காட்சிகள்

கன்னியாகுமரி மாவட்டம் இரணியல் அருகே, மாணவனை ஆபத்தான வகையில் பணியில் ஈடுபடுத்திய ஆசிரியர்கள் மீது நடவடிக்கை எடுக்க வேண்டும் என பொதுமக்கள் வலியுறுத்தியுள்ளனர். கண்டன்விளை பகுதியில் உள்ள அரசுப் பள்ளியின் முன்பகுதியில் அலங்கார வளைவு கட்டுமானப்பணி நடைபெற்று வருகிறது. இதன் மீது, எந்தவிதமான பாதுகாப்பும் இன்றி மாணவனை ஏற்றி ஆசிரியர்கள் வேலை செய்ய வைத்துள்ளனர். இதுதொடர்பான படங்கள் சமூக வலைதளங்களில் பரவின. இதையடுத்து, ஆசிரியர்கள் மீது நடவடிக்கை எடுக்க வேண்டும் என அப்பகுதி மக்கள் வலியுறுத்தியுள்ளனர்.