கொரியர் நிறுவனத்திற்கு வந்த பார்சல் - புளூடூத் ஸ்பீக்கரில் இருந்த பயங்கர பொருள்

கேரளாவில் புளூடூத் ஸ்பீக்கரில் மறைத்து எடுத்து வரப்பட்ட20 லட்சம் ரூபாய் மதிப்பிலான போதைப்பொருளை பறிமுதல் செய்த போலீசார், இளைஞர் ஒருவரை கைது செய்தனர்.

மும்பையில் இருந்து கொச்சியில் உள்ள கொரியர் நிறுவனத்திற்கு புளூடூத் ஸ்பீக்கர் ஒன்று பார்சலாக வந்துள்ளது.

அதை கொரியர் நிறுவனத்தில் இருந்து பெற்று கொண்டு அஜ்மல் என்பவர் வெளியே வந்த போது அவரை சுற்றி வளைத்த போலீசார், ஸ்பீக்கரை வாங்கி பரிசோதித்தனர்.

அதில் 20 லட்சம் ரூபாய் மதிப்பிலான 200 கிராம் எம்டிஎம்ஏ என்ற போதைப்பொருள் இருப்பது தெரியவந்தது.

உடனடியாக போதைப்பொருளை பறிமுதல் செய்த அதிகாரிகள், அஜ்மலை கைது செய்தனர்.

கடந்த மூன்று நாட்களில் மட்டும் கொச்சியில் 65 லட்சம் ரூபாய் மதிப்பிலான போதைப்பொருள்கள் பறிமுதல் செய்யப்பட்டுள்ளது.