பூஜை போட்டு திறக்கப்பட்ட புதிய டாஸ்மாக்... பொதுமக்கள் அதிர்ச்சி.. மதுப்பிரியர்கள் மகிழ்ச்சி

காஞ்​சிபுரம் அருகே பூஜை போட்டு, படையலிட்டு திறக்கப்பட்டுள்ள புதிய டாஸ்மாக் கடையால் அப்பகுதி மக்கள் அதிர்ச்சி அடைந்துள்ளனர். காஞ்சிபுரம் மாநகராட்சி பகுதியில் செயல்பட்டு வந்த அரசு டாஸ்மாக் கடை இட பிரச்சனை காரணமாக தற்காலிகமாக மூடப்பட்டு இருந்தது. இந்நிலையில், மாற்று இடம் பார்க்கப்பட்டு, புதுப்பொலிவுடன் தேனம்பாக்கம் விஷ்ணு நகர் பகுதியில் சிறப்பு பூஜையுடன் திறக்கப்பட்டுள்ளது. இதனால், அப்பகுதி மக்கள் அதிர்ச்சி அடைந்துள்ள நிலையில், இனிப்புகள் வழங்கி குதுகலமாக திறக்கப்பட்டுள்ள டாஸ்மாக் கடையால் மதுப்பிரியர்கள் மகிழ்ச்சி அடைந்துள்ளனர்.