ஊருக்குள் புகுந்த மர்ம விலங்கு, கொத்து கொத்தாக செத்து கிடந்த வீட்டு விலங்குகள் பீதியில் கிராம மக்கள்

சூளகிரி அருகே மர்ம விலங்கு கடித்ததில், வளர்ப்பு விலங்குகள் உயிரிழந்ததால், அப்பகுதி மக்கள் அச்சம் அடைந்துள்ளனர். கிருஷ்ணகிரி மாவட்டம் திகடரப்பள்ளி என்ற கிராமத்தை சேர்ந்தவர் முனியம்மாள். இவருக்கு சொந்தமான 7 செம்மறி ஆடுகள், 5 கோழிகள் மர்ம விலங்கு கடித்ததில் உயிரிழந்துள்ளன. இதனால் அதிர்ச்சி அடைந்த அவர், வனத்துறையினருக்கு தகவல் அளித்தார். இதன்பேரில் வந்த வனத்துறையினர் மர்ம விலங்கு குறித்து விசாரித்து வருகின்றனர்.