குழந்தையை கடிக்க பாய்ந்த நாய்...ரத்தம் சொட்ட சொட்ட உயிரை கொடுத்து போராடிய தாய் - அதிர்ச்சி சம்பவம்

ஆலப்புழா மாவட்டத்துக்கு உள்பட்ட காயங்குளத்தைச் சேர்ந்த அஸ்வதி என்பவரின் நான்கு வயது குழந்தை வீட்டின் அருகே விளையாடிக் கொண்டிருந்தபோது, பக்கத்து வீட்டினர் வளர்த்து வரும் நாய், அந்தக் குழந்தையை கடிக்க முயன்றது. அதைக் கண்ட தாய் அஸ்வதி, குழந்தையை நாயிடமிருந்து காப்பாற்றியபோது, உடனே அந்த நாய், அஸ்வதியின் உடலில் பல்வேறு இடங்களில் கடித்துள்ளது. உடனடியாக அவரை குடும்பத்தினர் மீட்டு காயங்குளம் அரசு மருத்துவமனையில் சேர்த்தனர். காயங்கள் அதிகமாக இருந்ததால் மேல்சிகிச்சைக்காக அருகில் உள்ள தனியார் மருத்துவமனையில் அவர் அனுமதிக்கப்பட்டுள்ளார். அங்கு அவருக்கு தீவிர சிகிச்சை அளிக்கப்பட்டு வருகிறது.