சாலையில் படுத்து ரகளை செய்த நபர்.."வண்டில ஏத்துங்க இவனை.."இழுத்து சென்ற போலீஸ்..தஞ்சையில் பரபரப்பு

தஞ்சை மாவட்டம் பட்டுக்கோட்டை மணிகூண்டு பகுதியில் சாலையில் படுத்து போக்குவரத்திற்கு இடையூறு செய்த நபரை, போலீசார் கைது செய்து சிறையில் அடைத்தனர். அரவிந்த் குமார் என்ற அந்த நபர், இருசக்கர வாகனத்தில் இருந்து காவல்துறை அதிகாரி, சாவியை எடுத்ததை கண்டித்து, திடீரென சாலையில் படுத்து போராட்டத்தில் ஈடுபட்டார். இதனால் அப்பகுதியில் போக்குவரத்து பாதிப்பு ஏற்பட்ட நிலையில், காவல்துறை அதிகாரியிடமும் அவர் வாக்குவாதம் செய்தார். இது தொடர்பாக தலைமை காவலர் அளித்த புகாரின் பெயரில், அரவிந்த் குமாரை கைது செய்த போலீசார், நீதிமன்றத்தில் ஆஜர்படுத்தி சிறையில் அடைத்தனர்.