பட்டப்பகலில் நிலத்தரகர் ஓட ஓட விரட்டி வெட்டிக்கொலை... உணவு டெலிவரி உடையில் வந்தவர் வெறிச்செயல்...

நாகர்கோவிலில் இருசக்கர வாகனத்தில் சென்ற நிலத்தரகரை ஓட ஓட விரட்டி வெட்டி கொன்ற சம்பவம் பரபரப்பை ஏற்படுத்தியுள்ளது..

நாகர்கோவில் செல்லங்கோணம் பகுதியை சேர்ந்தவர் சேவியர் பாபு. இவர் நிலத்தரகர் தொழில் செய்து வந்துள்ளார். இந்நிலையில் நாகர்கோவில் பத்திரப்பதிவுத்துறை அலுவலகம் செல்லும் சாலையில் தனது நண்பரான மோகன் என்பவருடன் இருசக்கர வாகனத்தில் சென்று கொண்டிருந்த போது உணவு டெலிவரி செய்யும் உடை அணிந்து கொண்டு மற்றொரு இரு சக்கர வாகனத்தில் வந்த இருவர் அவர்களிடம் பிரச்சினையில் ஈடுபட்டுள்ளனர். ஒருகட்டத்தில் பிரச்சினை கைகலப்பாக மாறவே அவர்கள் மறைத்து வைத்திருந்த கத்தியால் சேவியர் மற்றும் மோகனை ஓட ஓட விரட்டி வெட்டியுள்ளனர். இதில் சேவியர் பாபு சம்பவ இடத்திலேயே உயிரிழந்தார். காயங்களுடன் மீட்கப்பட்ட மோகன் மருத்துவமனையில் சிகிச்சை பெற்று வருகிறார்..

உயிரிழந்த சேவியரின் உடலை மீட்ட போலீசார் ஆசாரிபள்ளம் மருத்துவமனைக்கு பிரேத பரிசோதனைக்காக அனுப்பி வைத்து விசாரணை நடத்தி வருகின்றனர்.. இதனிடையே சம்பவம் நடந்த சிசிடிவி காட்சிகள் வெளியாகி பரபரப்பை ஏற்படுத்தியுள்ளது...